Khopi ya xibukwana
Mimfungho ya Tiko na ya TISSA
Vulavula ririmi ra wena. I mfanelo ya wena.
Mintirho ya Vutoloki hi Tiqingho ya Afrika Dzonga TISSA i masungulo ya Ndzawulo ya Vutshila na Mfuwo ku tlakusa ku tirhisiwa ka tindzimi ta ximfumo Xizulu, Xixhosa, Xindebele, Xiswazi, xisuthu, Xitswana, Xipedi, Xitsonga, Xivenda, Xinghezi na Xibunu
I mintirho ya njhani leyi endliwaka?
TISSA yi korhokela mintirho ya vutoloki hi tiqingho leyi olovisaka mbhurisano exikarhi ka vaaki na mfumo hi ku tirhisa tindzimi ta xintu ta ximfumo ku endlela ku fikelela mintirho ya mfumo.
Hikokwalaho ka yini ntirho lowu wu endliwa?
Hi ku tirhisa TISSA, mfumo wu hetisisa vurhumiwa bya Vumbiwa hi ku teka magoza ya kahle ku hluvukisa ririmi ra manana tanihi rin?we ra tindzimi ta ximfumo.
Xana vaaki va nga kombelo mintirho ya mfumo hi ririmi ra manana?
Ina, ntsena loko ririmi ra manana ku ri rin?we ra tindzimi ta ximfumo.
Xana ririmi ra swikoweto ri katsiwile?
Xana mphakelo wa TISSA wu tirha njhani?
Loko xirho xa vaaki na mutirhi wa mfumo va nga twisisani hi ririmi, mutirhi wa mfumo a nga ba riqingho a ri kongomisa eka ndhawu ya tiqingho ya TISSA.
Eka ndhawu ya tiqingho, mutirhi u ta hlanganisa mutirhi wa mfumo na xirho xa vaaki na ntoloki leyi a nga vulavulaka tindzimi hi timbirhi.
Mutirhi wa mfumo u ta tirhisa riqingho ro va na tindhawu timbirhi to yingisela ku endlela leswaku yena na xirho xa vaaki va ta yingisela ntoloki.
Ntoloki u ta tolokela hi vambirhi. Leswi swi nga teka tisekondi titsongo.
Ndzi ta swi tiva njhani loko ndzawulo ya mfumo yi nyika mphakelo wa vutoloki?
Mimfungho eka tihofisi ta ndzawulo yi ta kombisa leswaku mintirho ya vutoloki ya kumeka.
Loko ndzawulo yi nga kombisi mfungho wa TISSA, xana ndzi nga ya mahlweni ndzi kombela ku pfuniwa?
E-e, ntirho lowu wu kumeka ntsena eka tindhawu laha ku vekiweke mfungho wa TISSA. Hambi swi ri tano, tindhawu to tala ti ta katsiwa eka nkarhi lowu taka.
Xana TISSA yi ta ndzi vuyerisa njhani?
Yi ta hoxa xandla xa nkoka eku hluvukiseni ka timfanelo ta ririmi ra wena, na timfanelo ta vumunhu eAfrika Dzonga.
Yi ta tlhela yi hoxa xandla xa nkoka eku hluvukiseni no tirhisiwa ka tindzimi ta xintu ta ximfumo na ririmi ra swikoweto.
U ta kota ku kuma mintirho ya Mfumo hi ririmi ra wena.
